STUDIESPESIALISERING MED FORMGJEVINGSFAG

Kvifor velje dette utdanningsprogrammet?

• Du får studiekompetanse
• Du får ein variert timeplan med både praktisk og teoretisk arbeid
• Du får utvikle kreativiteten i deg 

Aldri tidlegare har bilete, design og form spelt så stor rolle i samfunnet som no.

I formgjevingsfag får du opplæring i mellom anna teikning og elektronisk biletbehandling,
og du får høve til å arbeide med bilete og design.
Når du skal velje høgare utdanning og yrke, vil du ha stor nytte av kunnskapane om dette.

Du kan gå alle tre åra ved Fusa vidaregåande skule.

Det er obligatorisk med 10 timar programfag (formgjevingsfag) pr. veke alle tre åra.

Første året får du desse 10 timane, i tillegg til 25 timar fellesfag.

Andre året kan du velje mellom eit valfritt programfag eller eit fellesfag.
(Det vil seie at du då aukar timetalet i formgjevingsfag til 15,
eller at du berre har 10 timar slik du hadde det første året.)

Tredje året kan du, viss du vil, ha 20 timar formgjevingsfag.

Obligatoriske programfag:

Visuelle kunstfag 1, 2 og 3 :

I visuelle kunstfag arbeider vi med hovudområda ”Teikning og farge” og ”Form og materiale”.

Døme på aktivitetar: Teikning, elektronisk biletbehandling og arbeid med skulptur.

Kompetansemål

Design og arkitektur 1, 2 og 3:

I dette faget er hovudområda i læreplanen ”Produktutvikling og materiale” og
”Teikning, konstruksjon og modellar”. Her er òg digitale teknikkar eit av verktøya.

Kompetansemål

Kunst og formkultur 1, 2 og 3:

Kunst og formkultur (kunsthistorie) er ein del av dei to faga ovanfor,
men det er ei eiga bok til emnet alle 3 åra.
Kunst og formkultur handlar om biletkunst, byggeskikk og bruksform.

Første året tek ein føre seg kunsthistoria på 1900-talet, andre året
arbeider ein med kunst og arkitektur fram til 1600,
og tredje året er det perioden frå 1600 til 1900 ein tek føre seg.

Valfrie programfag:

Scenografi og kostyme:

I dette faget er stikkorda frå læreplanen ”Scenerom”, ”Kostyme” og ”Stilhistorie”.

Scenografi og kostyme er eit valfritt programfag som du kan ha i andre eller tredje året.

Les meir om kva du lærer om i dette faget her: Kompetansemål

Trykk og foto:

Hovudområda i dette faget er ”Grafisk uttrykk”, ”Teknikk og materiale” og
”Foto, grafikk, og samfunn”.  Du kan velje dette faget i andre eller tredje året.

Les meir om kva faget går ut på her: Kompetansemål

Visuell kultur og samfunn:

Dette er eit fag som du kan velje tredje året på studiespesialisering med formgjeving.

Visuell kultur og samfunn er i hovudsak eit teoretisk fag som er inndelt i
hovudområda ”Kunst og samfunn”, ”Design og samfunn” og ”Arkitektur og samfunn”.

Du kan lese meir om faget her: Kompetansemål