Rehabilitering

2- årig stadbasert/nettstøtta tilbod på deltid, tilsvarande 1 år på heiltid. Tilbodet er no godkjent i NOKUT.

Søknadsfrist: 15. april

Søknadsskjema 2013 Søknadsskjema og dokumentasjon kan sendast skulen, men Fusa fagskule er med i det felles opptaket gjennom NOF-VIGO. Meir informasjon kjem.

Kompetanse

Etter fullført utdanning kan kompetansen nyttast innan:

• Kommunal helse- og sosialteneste som t.d. heimebasert omsorg, sjukeheim, bukollektiv og andre institusjonar
• Grunnskule, barnehage, SFO, vaksenopplæring og vidaregåande skule
• Rehabiliteringssenter og andre liknande institusjonar
• Psykisk helsevern og andre spesialisttenester og det statlege pedagogiske støttesystem
• NAV
• I tillegg vil ein ha kompetanse til å vera personleg koordinator i individuelle planprosessar

Mål for utdanninga

• Utdanna reflekterte yrkesutøvarar, med høg yrkesetisk standard som tar initiativ til å planleggja, organisera og setja i verk tiltak i samarbeid med tenesteytarar og brukarar
• Utdanninga skal styrkja naudsynt felles kompetanse blant yrkesutøvarar innanfor rehabilitering som verksemd
• Yrkesutøvaren skal tileigna seg breiddekompetanse innan rehabilitering både på individnivå og systemnivå

 Fagleg innhald

Modul 1: Felles innhaldsdel                              (18 veker)

Modul 2: Målgruppa for rehabilitering                 (8 veker)

Modul 3: Rehabilitering som verksemd – organisering og yrkesutøving
                                                                  (10 veker inkl 2 veker praksis)

Modul 4: Rehabiliteringsprosess og individuell plan (17 veker inkl. 5 veker praksis)

Modul 5: Fordjuping                                       (13 veker inkl 3 veker praksis)

Praksis

Praksis er ein obligatorisk del av studiet, som utgjer 25 % av samla studietid og blir teke på full tid

Arbeidsformer  Studiet set høge krav til eigenaktivitet

·         Nettstøtta undervisning (studentane må disponera PC og internett)

·         Gruppearbeid, diskusjonar og rollespel

·         Lærarstyrt undervisning og førelesning

·         Studentframlegging og presentasjonar

·         Ekskursjonar

Vurdering

·         Studentane vil få modulkarakter for kvar fullført modul. Mappevurdering vil vera grunnlag for modulkarakterane. I tillegg vil det bli gjennomført eksamen etter modul 1, 4 og 5.

Inntakskrava er regulert i HFK sitt studentreglement, detaljane kan du sjå her.

• Det vert kravd fullført vidaregåande opplæring frå studieretning for helse- og sosialfag (hjelpepleie, omsorgsarbeidar eller helsefagarbeidar). 
• Det kan i særskilde høve gjerast inntak på grunnlag av realkompetansevurdering).  
• Det er ikkje lenger krav om minimum eit årsverk relevant yrkespraksis etter vidaregåande skule /fagbrev.

Studiestart: September 2013.  Modul 1 startar med ei innføringsveke, i tillegg vert det undervisning ein dag i veka.  I modul 2, 3, 4 vert det blokkundervisning (fleire dagar i strekk).  Avslutning juni 2015