KOMPETANSE PÅ LÅGARE NIVÅ

Ein del ungdomar vil, av ulike årsaker, vanskeleg kunna nå målet om full kompetanse. Med kompetanse på lågare nivå meiner vi at eleven, etter avtale, får opplæring i einskilde delar av fag etter gjeldande læreplan. For ein elev som skal ha eit tilbod om kompetanse på lågare nivå skal det utarbeidast individuell opplæringsplan. På den måten skal eleven sikrast eit kvalitativt dokumentert tilrettelagt opplæringstilbod.

Eleven sitt behov for tid, og dei til ei kvar tid gjeldande reglar, vil vera styrande for kor lang tid opplæringa kan strekkja seg over.

I kompetansebeviset vil ein sjå kva mål i læreplanen som er gjennomført og bestått. Dette dokumentet er gyldig med omsyn til vidare påbygging seinare. Kompetanse på lågare nivå skal kunne tilretteleggjast i alle fag og ved alle skular.

 KVARDAGSLIV-/ARBEIDSTRENING

(4-6 elevar i kvar klasse)

Opplæringa er tilrettelagt for elevar med store hjelpebehov. Målet er å trena elevane til å meistra ein framtidig tilrettelagt arbeids- bu- og fritidssituasjon, og opplæringa skal kvalifisera for eit sjølvstendig liv med minst mogleg hjelp.

Opplæringa er tilpassa den einskilde elev og det vil bli utarbeida opplæringsplanar for kvar elev. Vurderinga av elevane blir gjort opp mot måla i den individuelle opplæringsplanen og den sakkunnige vurderinga.

Elevane skal få høve til å delta i aktivitetar utanfor klassen, saman med andre elevar.

Tilbodet ved vår skule gjeld elevar med ulike funksjonshemmingar. Elevane får særskilt tilrettelagt opplæring retta mot trening av kvardagsliv- og arbeidskompetanse, kommunikasjon, motorisk trening og sosial trening.

Skulen ligg i vakre omgjevnader som blir nytta i ulik samanheng. Lokale aktivitetar i nærområde legg ein inn som  trening i gruppa når det høver.